السبت، 3 أكتوبر، 2009

كلام بيتقال فى كل بيت مصرى


دى يا جماعه شوية كلام بيتقال فى كل بيت مصرى واتحداكم لو فى حد مبيقلوش الكلام ده ومش هطول عليكم وهقولكم عليها

...
*مش عايزه اسمع صوت *


ماتردش عليا *


تقعد فى اول دكه قدام السبوره الجمله دى كنت اسمعها علطول من امى *


ومالها الكتب بتاعه الوزاره ؟ *


بص كويس وانت بتعدى الشارع *


لو مش فاهم حاجه ارفع ايدك وقول للاستاذ مش فاهم فاكرين *


متتأخرش بعد المدرسه وتقعد تصيع مع اصحابك *


افرد ضهرك وانت قاعد*


متمشيش حافى فى السقعه دى *


انت بتذاكر ازاى والبتاع دا شغال جمبك *


صليت العصراشمعنى العصر الله اعلم*


اللى بيشيل قربه مخرومه بتخر على دماغه *


ربنا يهديك يابنى .... ربنا يهديك *


اطفى التليفزيون وقوم ذاكر *


اقفل صدرك تاخد برد *


كل على مهلك ... ومتاكلش وانت واقف وكل من قدامك *


كفايه رغى فى التليفونات *


متقعدش قدام المروحه وانت مستحمى*


وانت فاكر ان احنا مستنيين منك حاجه؟؟*


متعليش صوتك ياولا*


بلاش لعب فى الشارع *


بلاش لعب بلمقص .. بيجيب الفقر ههههههه دى بقى كنت علطول اسمعها*


المسلسل مش هينفعك قوم*


ابقى كلم خالتك عيانه اسأل عليها اشمعنى خالتى ياما ماعرفش بقى *


اوعى حد غريب يديلك حاجه وتاخدها*


اوعى تكدب عليا تانى مره *


لو شفت خناقه ملكش دعوه بيها طبعا ده كان مستحيل بس كنت بقول حاضر*


كلمنا لما توصل*


عيب لازم تحترم اللى اكبر منك*


انت فاكرنا نايمين على ودانا ؟*


وطى الزفت دا شويه (التليفزيون)*


لو فلحت ابقى قابلنى وابويا كان يوقولى احلق شنبى ههههههههه *


قوم اقرالك كلمتين ينفعوك *


انت فاكرنا لاقيين الفلوس دى فى الشارع *


ماتلزقش عينك فى التليفزيون كدا عشان نظرك*


متتكلمش بصوت عالى فى الحمام*


ويقعدو مثلا يتكلمو على زمنهم دا انا كنت بذاكر على عمود نور فى الشارع ولا على لمبه جاز*


يا بنى محدش بينفع حد*


ربنا يرزقك بعيل يوريك اللى ورتهولى *


متطلعش على الملايه وانت رجليك مش نضيفه *


طلع ايدك من جيبك وانت بتكلمنى واقف كويس اكيد كلنا سمعنا الكلام دا قبل كدا ههههههههههههههه صح؟؟؟


البنات ليهم كلام تانى طبعا اكيد عارفينه كلكم


هناك 20 تعليقًا:

طبيبك الخاص يقول...

فى اول زياره لمدوانتك

انا الكلام دا كله سمعته تقريبا

ههههههههههههههه

ويارب تيجى بالسلامه يامشمش

اسمحلى انى اقولك يامشمش ماشى

انت زى اخويا طبعا

تحياتى

عاشقة الأحزان يقول...

تانى تعليق مشش بطال

ههههههههههههههههه

عاشقة الأحزان يقول...

وكمان تعليق اهووووووووووو

انا هنا معاك يا مشمش

عاشقة الأحزان يقول...

وحشتنى قووووووووووى يا بيبى انا اخبارك ايه يارب تكون بخير يارب ويطمنى عليك

عاشقة الأحزان يقول...

فعلا والله رجعتنا لايام زمان يا مشمش

بس الوقتى الامهات عادو بيخافو من ولادهم

هههههههههههههههه
وعتش زى زمان

الدنيا تغيرت

ياريت الايام الحلوة دى بجد ترجع
ربنا ما رمناش منك ياقمر
مودتى

Mr.Hazem يقول...

هههههههههههه
منه كمان كلمات بتنحكى عنا بفلسطين والبعض الاخر اول مرة اسمعه وعجني هههه
يسلموا حبي عالابتسامه
وان شاءا لله على طول بنشوفها

اســ الغربه ـــير يقول...

بت ياعاشقه انتى ماتقولليش يابيبى الا حببتى بتغير عليا لما بتلقيكى كاتبه كدا خلت نهارى ابيض

اســ الغربه ـــير يقول...

ياريت بلاش كلمة بيبى علشان ناس كتير علقلى عليها وبالاخص حببتى المجنونه

ريمان يقول...

هههههههههههههههه


فعلا بيتقال للبنات كلام تانى

يخنق بقه بجد



تحياتى ليك

البوست دمه خفيف اوى

riham attya يقول...

ههههههههههههههههههههههههه

لا فعلا كان ومازال بيتقال

لكن اللى مش قادرة افهمة الكلام ده بيضايقك ولا ايه بالظبط

الكلامك ده باسلوب مختلف حسب المواقف بيتقال فى كل العالم

شكرا ليك

طوبه فضه وطوبه دهب يقول...

كلام كتير اوى اكيد سمعناه بس مع اختلاف بعض الجمل مثلا ما كنتش بتأخر بعد المدرسه ما لعبتش اصلا فى الشارع لو فى اى حته والدنيا كلها بتتخانق طبيعى ماليش دعوه عمر ما حد قالى ذاكرى كانوا بيقلولى قومى نامى وياريتنى كنت نمت اصلى لقتها ما بتفرقش كتير بس جمل بجد فكرتنا بايام جميله واللى ياكل على ضرسه ينفع نفسه وامشى عدل يحتار عدوك فيك والتليفون دا هنعمله استقبال عشان نريحكم وكل مره يقولوا كدا وما يعملهوش مش عارفه ليه

عاشقه الرومانسيه يقول...

لو حد قالك تعالى معايا بابا عايزك اوعى تروحى معاه

لو حد ادالك حاجه اوعى تاخديها

كلى سندوتشاتك كلها ومش ترجعى بيها

مصروفك على قدك اوعى تاخدى حاجه من اصحابك بس لو حد قالك عايز حاجه اديها له

حافظى على كُتبك

اوعى تغلطى فى الاكبر منك كده عيب

مش تقفى فى الطريق تتفرجى على المحلات
ربع ساعه من ضرب الجرس وتكونى فى البيت

اصحابك فى المدرسه وبس تطلعى من باب المدرسه مش تكلمى حد ولا تتلكعى فى السكه


وسمعت ياابنى كل الكلام ده وطلعت زى العسكرى
لحد النهارده الناس بتحلف بحياتى
والحمد لله كل الناس بتحبنى

طبعا ياابنى مش تربية هيما؟
(:

جنات يقول...

انا الكلمات دي سمعتها اوي اوي بس مش بالللهجة المصريه بل
بالسعوديه ... ><

وذكرتني بمواقف وذكريات قديمه

الف شكر لك عزيزي



لأول مره هنا
جنات :)

جنات يقول...

انا الكلمات دي سمعتها اوي اوي بس مش بالللهجة المصريه بل
بالسعوديه ... ><

وذكرتني بمواقف وذكريات قديمه

الف شكر لك عزيزي



لأول مره هنا
جنات :)

ঔღঔ نـــوارة ঔღঔ يقول...

ههههههههههههههههههههه
هههههههههههههههههههه

احب اقوولك انه الكلام هذا بيتقال في كل بيت عربي مش مصري بس :]

فكرتني بالذي مضى ماما علطول كانت بتسمعنا معظم الجمل دي


بلاش لعب بلمقص .. بيجيب الفقر ههههههه دى بقى كنت علطول اسمعها*

كنت فاكرة ماما بس الي بتقول الجملة دي ههههههههههههههه

بوست مهضوووم مووووت

بس ايه حكاية انك هتتحرر

ان شاء الله هترجع مصر ؟؟

ربنا يوفقك ويرجعك بالف سلامة

على فكرة رديت عليك بقسم البرامج ^ـ*

mimi يقول...

أنا فيه كلام كتير سمعته قبل كده
بس الفرق إن ليا توأم ولد ... كان بابا وماما دايما يجمعوا في الكلام ويقولوا

قوموا ناموا علشان تصحوا بدري
أدخلوا ذاكروا كلمتين ينفعوكم
محدش يقولكم تعالو معايا تروحو
ترجعوا من المدرسة دوغري للبيت
ابعدو عن التليفزيون علشان عنيكم
شيلوا اطباق الأكل بعد ما تشبعوا
متتخانقوش مع بعض
شيلوا الهدوم بتاعتكم وعلقوها علي الشماعة

يااااااااااااااه
رجعتني لأجمل أيام عمري
بجد تسلم أفكارك
وياريت تغير لون الكتابة علشان مش واضحة أوي

تحياتي
ربنا يخليك لبابا وماما ويخليهم ليك

صدى الصمت - عاشقة الورد - يقول...

على فكرة أنا كنت بأكرة جداً كل الكلام ال بابا وماما كانوا بيقولوة
لكن لما إتجوزت وجيبت أطفال لقيت نفسى بأقولهم نفس الكلام ودلوقت بلاقى الكلام دة منطقى جداً مش عارفة لية؟
تحياتى

بنت قلبى يقول...

هههههههههه

صح والله كل كلامك دا
واكيد احنا لينا كلام تانى خالص خالص
بس برضو كانت بيتقال ودلوقتى اكتر واكتر
بس انت ايه مضمون البوست دا من الكلام دا كله
يعنى بتفكرنا بيه ولا جه على بالك ولا ايه.؟

قمر يقول...

يا اسير الغربه انا لقيتك سايب تعليق ف المدونه دي
http://hanetghyar.blogspot.com/
بتاع خوخه هيا
تعبانه ولا مالها لو سمحتو لو حد بيقرا المدونه دي يقولي لانهم بيقولو تعبانه وحاجات كدا وبقالها كتير مش موجوده
لو تعرفها يا اسير تقولي معلش يعني تطمنى عليها

Pink Dreams يقول...

هههههههههههههههههه

فعلا كل دا بيتقال

خصوصاكلمه افرد ضهرك وانت قاعد*

الكلمه دى ماما دايما تقولها لاخويا

هههههههههههههههه

بوست جميل وبجد خرجنى من الحاله اللى انا فيها

تحياتى