الخميس، 15 أكتوبر، 2009

وعد ومكتوب علينا



وعد ومكتوب علينا

جوايه حزن والم يملى 200 كراس

وفى عينى دمعة ندم معذبانى ياناس

قلبى السليم انجرح بادين اعز الناس

هعمل ايه يازمن والقلب قايد نار

وحبايبى من ظلمهم بيطفو نارى بنار

والناس كلامهم صبح امر من الصبار

اعمل ايه يازمن والى انكتب ومش بايدى اختار

والدنيا كاس والزمن دوووووووووووووار

وعد ومكتوب علينا ومافيش حاجه بادينا

ومين فى الدنيا يابا يمسح دمعة عنينا

دمع العيون نار على خدى

ولا حد شاف احزان قدى

وقول سحابه وهتعدى

القيها مش عايزه تعدى

ناس كلو عيشى وملحى

وكانو هما سبب جرحى

فرشت للكل ورودى

لما الزمن دبل عودى

وفضلت اصرخ فى الزحمه

ولا حد حاسس بوجودى

زمانى اه منه زمانى

جرح مشاعرى وبكانى

خد منى فرحة ايامى

وفى بحر احزانه رمانى

سجنت احزانى وهمى

وقولت يادموعى اتلمى

دا الجرح دا اعز اصحابى

والحزن بقى يجرى فى دمى

من الهموم شكلى اتغير

وعمر افراحى قصير

من كتر احزانى يادنيا كبرت وانا لسه صغير

الحزن توه افكارى

وحبايبى بيقيدو فى نارى

والدنيا بتاعكس فيا

ولا حد بيا ياناس دارى

الحزن سكه مشيت فيها

ودموعى من الحرقه يادنيا

مابقتش قادر اخبيها

رحلة عذابى ياناس طالت

ولقيت لا وصلت ولا طالت

انا الى ضاع منى شبابى

مابين دموعى وعذابى

قفلت قلبى على جراحوا

وقولت ياعيونى ارتاحو

وقفلت بابى على روحى

ورميت بايدى مفتاحه





كتب عليا الزمن اعيش مجروح


السبت، 3 أكتوبر، 2009

كلام بيتقال فى كل بيت مصرى


دى يا جماعه شوية كلام بيتقال فى كل بيت مصرى واتحداكم لو فى حد مبيقلوش الكلام ده ومش هطول عليكم وهقولكم عليها

...
*مش عايزه اسمع صوت *


ماتردش عليا *


تقعد فى اول دكه قدام السبوره الجمله دى كنت اسمعها علطول من امى *


ومالها الكتب بتاعه الوزاره ؟ *


بص كويس وانت بتعدى الشارع *


لو مش فاهم حاجه ارفع ايدك وقول للاستاذ مش فاهم فاكرين *


متتأخرش بعد المدرسه وتقعد تصيع مع اصحابك *


افرد ضهرك وانت قاعد*


متمشيش حافى فى السقعه دى *


انت بتذاكر ازاى والبتاع دا شغال جمبك *


صليت العصراشمعنى العصر الله اعلم*


اللى بيشيل قربه مخرومه بتخر على دماغه *


ربنا يهديك يابنى .... ربنا يهديك *


اطفى التليفزيون وقوم ذاكر *


اقفل صدرك تاخد برد *


كل على مهلك ... ومتاكلش وانت واقف وكل من قدامك *


كفايه رغى فى التليفونات *


متقعدش قدام المروحه وانت مستحمى*


وانت فاكر ان احنا مستنيين منك حاجه؟؟*


متعليش صوتك ياولا*


بلاش لعب فى الشارع *


بلاش لعب بلمقص .. بيجيب الفقر ههههههه دى بقى كنت علطول اسمعها*


المسلسل مش هينفعك قوم*


ابقى كلم خالتك عيانه اسأل عليها اشمعنى خالتى ياما ماعرفش بقى *


اوعى حد غريب يديلك حاجه وتاخدها*


اوعى تكدب عليا تانى مره *


لو شفت خناقه ملكش دعوه بيها طبعا ده كان مستحيل بس كنت بقول حاضر*


كلمنا لما توصل*


عيب لازم تحترم اللى اكبر منك*


انت فاكرنا نايمين على ودانا ؟*


وطى الزفت دا شويه (التليفزيون)*


لو فلحت ابقى قابلنى وابويا كان يوقولى احلق شنبى ههههههههه *


قوم اقرالك كلمتين ينفعوك *


انت فاكرنا لاقيين الفلوس دى فى الشارع *


ماتلزقش عينك فى التليفزيون كدا عشان نظرك*


متتكلمش بصوت عالى فى الحمام*


ويقعدو مثلا يتكلمو على زمنهم دا انا كنت بذاكر على عمود نور فى الشارع ولا على لمبه جاز*


يا بنى محدش بينفع حد*


ربنا يرزقك بعيل يوريك اللى ورتهولى *


متطلعش على الملايه وانت رجليك مش نضيفه *


طلع ايدك من جيبك وانت بتكلمنى واقف كويس اكيد كلنا سمعنا الكلام دا قبل كدا ههههههههههههههه صح؟؟؟


البنات ليهم كلام تانى طبعا اكيد عارفينه كلكم


السبت، 19 سبتمبر، 2009

عيد مبارك

B-049-0102

احلى مافى العيد3 حاجات

1:كثرة الخيرات

2:تبادل الزيارات

3:قارئ هذه العبارات 

كل عام وأنتم بخير إخواني الكرام بمناسبة عيد الفطر المبارك

إنتهي شهر الرحمة والمغفرة وجائت الفرحة بالعيد

كل عام وأنتم بخير جميعاً وجعل الله كل أيامكم مغفرة وأفراح

عيد سعيد
صحه حديد
عمر مديد
فلوس تبديد
قسط تسديد
يهود تشريد
مراتب تنجيد

الجمعة، 11 سبتمبر، 2009

أزمة شغل



أزمة شغل


الحياه من غير شغل وكفاح ماتبقاش حياه


لما كنت شغال وربنا كرمنى كان فى ايام الواحد بيكسل ومش بروح الشغل


كان فى ايام اجازات واعياد للبلد كنا مش بنشتغل كنت بستريح فى الايام دى شويه


يعنى كنت اسهر باليل واصحى من النوم براحتى

فى يوم من الايام بنشتغل فى امان الله لقينا الشرطه جايه علينا بتقولنا وقفو الشغل


بنسال ليه قالو الاضيه بتاعة الشغل ده وقفت واحد من الجران قدم شكوه ان احنا بنشتغل قبل معاد الشغل ونخلص بعد الميعاد


بقالى اسبوع قاعد من الشغل اول مره احس ان الحياه مالهاش قيمه من غير شغل


ممكن علشان انا اخدت على التعب والشقى ولا انا الى فقرى مش بحب الراحه


بس حاسس انى زهقان ومدايق الى زينا مش اخدو على الراحه


والله انا اتهيالى لو حد قالى تعالى اشتغل ببلاش هروح علشان افك عن نفسى

بجد بجد القاعده وحشه جدا

الأربعاء، 12 أغسطس، 2009

معنى الغربه






أجد نفسى احتاج للتوقف أحياناأفكر فى معنى الغربة الحقيقة

أفكر فيما هو المقصود من الوطن

وما هى الغربه


هل هي غربة الآهل ؟هل هي غربة الديار والارض ؟


هل هي غربة النفس ؟


بنعيش خارج بلدنا فنتكلم عن الغربةهل هي العيش بعيد عن بلدك ؟

عندما تعيش خارج بلدك تعلم انك لست في بلدك وانك لست من اصحابها فتشعر بالغربة!

حقا هذه هي الغربه

عندما تعيش خارج بلدك قد يتعامل معك رغم غربتك بكل احترام وتسامح وانسانية!
عندما تكون في بلدك يتعامل معك دوما رغم وطنيتك بكل اذلال ومهانة ولا انسانية!

والله العظيم بيحصل كتير اوى

عندما تعيش في الخارج تفتقد من تحبهم وتشتاق اليهم وتتنمى ان تعود لتراهم !

عندما تعود الى بلدك تكره نفسك وتكره كل من حولك وتتمنى الخروج من بلدك ووطنك النهارده قبل بكره !

عندما تعيش خارج بلدك قد تجد احيانا كثيرة الامن والطمأنينة!

عندما تصل الى مطار بلدك تشعر فورا بالقلق والانقباض وعدم الامان ....ماحدش يسالنى ليه!


لانى مش عارف او عارف بس مش لازم اتكلم


عندما تعيش في خارجها قد تجد التقدير والحياة الكريمة!


عندما تعيش داخل بلدك تجد دوما التعب والمشقة و اهدار الكرامة في كل مكان تذهب اليه!


انا مابقتش قادر خلاص ولا على الغربه ولا على انى ارجع وسط اهلى واخواتى




اعمل ايه حد يقولى


ـــ ـــ ــــ ـــ ــــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ
\ كلامى ده مافيش حد هيحس بيه الا واحد متغرب مثلى سايب بلده \
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ






السبت، 8 أغسطس، 2009

مخنوق من الدنيا


بعتذر ياجماعه عن غيابى عنكو يارب تكونو جميعا بخير



بس بمر بظروف صعبه ومش فايق افتح النت



جيت اقولكو كل سنه وانتو طيبين

الأربعاء، 29 يوليو، 2009

عيد ميلاد الشقى



ده حبيبى ياولاد























النهارده عيد ميلاد الشقى عبد الله اخويا جيت اهنيه بيه علشان بيصيع عليا اوى مش يعرف معزته عندى قد ايه










ولا ياعبدو اخوك بيقولك كل سنه وانت طيب ياحبيبى









النهارده زاد عمرك سنه محتار اهديك ايه قولى انت عايز ايه









عايز عمرى عايز روحى انت بس اطلب








النهارده










عيد ميلاد السعد










عيد ميلادالفرح









عيد ميلاد الصبا



عيد ميلاد الحسن








عيد ميلاد الشفافيه



عيد ميلاد الجمال



عيد ميلاد الحب


عيد ميلاد اشياء كتيره



عيد ميلادك انت









عيد ميلاد جديد

عيد ميلاد سعيد











دى اجمل تورتايه منى ليك حبيبى





















الى يهنى عبد الله ليه منى امووووووووووووووواه بوسه


الأحد، 26 يوليو، 2009

كان يوم صعب








كان يوم صعب بجد



اليوم ده قبل ما أطلع من البيت الصبح وانا مش مستريح المهم رنيت على حبايبى صبحت عليهم زى العاده واتوكلت على الله



اول حاجه حصلت على الصبح كدا المترو اتعطل وغاب وطبعا كدا هتاخر على ميعاد الشغل اخدت تاكسى بسرعه وروحت على الشغل



يدوب انا وصلت كدا والمهندس كان ماشى كدا يعنى كنت هروح وارجع ويارتنى كنت رجعت




قالى على الشغل الى هعمله ومشى راح يجبلنا قافيه وجاى غيرت انا هدومى وبدات الشغل




الجو كان حر مووووووت على الساعه 10 الصبح كانت درجة الحراره 41 درجه




جه المهندس بالقهوه شربنا القهوه وقومت اشتغلت تانى كانت دماغى مشغوله بحاجات كتير



ومش عارف ابطل تفكير حتى وانا فى الشغل بعد الظهر ماسك الصاروخ بقطع بيه زاويه الصاروخ عدى على رجلى بس الحمد لله ربنا ستر وجات سليمه روحت البيت اتخانقت مع صاحبى




وسبته ونمت علشان كنت مرهق اوى صحيت من النوم اخدت حمامى ولسه هعمل حاجه ناكلها جات ست اعوذ بالله الى بتنظف العماره



جايه تزعق من غير اى حاجه وانا صاحى من النوم قرفان ومدايق فضيت غلى فيها وكنت هخنقها وربنا قفلت فى وشها الشباك وسبتها تبرطم ودخلت اكمل الطبيخ



قولت اليوم ده هكتبه علشان يبقى ذكرى سوادا





شوفو دى وانا شغال بس فى يوم تانى مش فى نفس اليوم






شغل جبابره







video









الثلاثاء، 21 يوليو، 2009

ازاى تخلى البنات تحبك











تعالو نتعرف على الحب ونشوف يعنى ايه حب وازاى نحب ونتحب





ما هو الحب................؟
الحب هو احساس خفي قوي يهز المشاعر ويحرك القلب من مكانهالحب ليس كلام ولكن الحب افعال الحب ليس كلمة تقال الحب كلمة تقراء من العين ومن افعال وتصرفاتمن يحب
كيف تجعل الفتاة تحبك ؟
بان تجعلها تحس بانها ملكة متوجة جالسة علي عرش قلبك. حبك هو دستورها الذي تحكم به بان تجعلها تحس بانها الحاكمة والمالكة في هذا الكون وايضا تجعلها تحس بانها اجمل ما رات عينيك وايضا اخر ما رات عينيك
كيف تجعلي الشاب يحبك ؟
ان تثبتي له انه الشاب الوحيد في حياتك وانه ايضا الهواء الذي تتنفسيه والماء الذي تشربيه وان تسمعي كلامه في الشئ الصحيح وليس في الاشياء الخطاء وان تفهمي ما يريد قوله من قبل ما ينطق به ولا تدخلي احد بينكما مهما كان قريب منكم ((اصحاب )) تكلمي معه برقه وامشي معه بخفة ورشاقة وشياكه واجعلي من شخصيتك شخصية تجذب كل من راها وتكلم معاكى
كيف تتاكد من حب الفتاه لك ؟
ليس بحلفان او بالاختبارات كما يفعل البعض (الجهلاء) باحساسك الداخلي لمن تحب ومن تصرفاتها تجاهك ومشاعرها ايضا وتكفي كلمة واحدة تلخص كل مادخلها وهي (بحبك) من هذا تتاكد
كيف تتاكدي من حب الشاب لكي ؟
ان كان حب الشاب حقيقي سوف يظهر من تصرفاته مثلا (الغيرة-الخوف عليكي) وهذان الشيئان كافيان جدا وايضا ان لا يرضى لكى ما لا يرضاة لاخته
كيف تعاملان بعضكم البعض ؟
المعاملة لابد لها من اسلوب رقيق هادي عامليه كما يعاملك وان كان فعامليه احسن مما يعاملك حتى تحافظى عليه وعلى حبه وهو ايضا سوف يراعى ما تفعلين له
الحب والمناسبات الخاص به ؟
عيد الحب مثلا لا داعي لشي سوي كلمة واحد تلخص كل ماتريدون وهي(بحبك) وهذه الكلمة سوف تجعلكما تشعران بان الحب خلق من اجلكما
ما هى نهايه الحب الحقيقى.....؟
ان كانت نهايه سعيده فسوف تنتهى بالزواج وان كانت حزينه فسوف تنتهى بالفراق او الموت وفى كلتا الحالتين الفراق او الموت فالجراح موجوده فى القلب والالم ايضا
كيف تكون النهايات الاخرى...؟
اذا كنتى تحبى هذا الشاب وواثقه من حبك له وهو ان كان يحبك ايضا ستقفوا معا امام كل الظرف والعقبات لتفوزوا بحبكما
اما ازا كان بيتسلى وانتى تحبيه فسوف تكون النهايه سهله له وصعبه لكى فهو سوف يزهب لاخرى اما انتى فسوف تعيشين جريحه
اما ان كانت تتسلى بك وانت تحبها فاتركها واعلم ان قلبك لن يظل جريـح وسوف تاتى من يداوى لك جراحك وتجعلك تنهى جرحك وحبك لها
ان كنتما انت وهى تتسلان ببعضكما لبعض فانهايتكما سوف تكون سهله لان كل منكما لايحب الاخر ولن تحبو بعض والشئ الوحيد الزى سوف يكون بينكما (هو مجرد لعب عيـــال) و
اما ان كنتما تحبا بعض ووقفت امامكم الظروف والمشاكل فحاولو مره واثنين ومائه
وان لم تجدو الحل فاعلمو ان هذا هو قدركم والمكتوب لكم ان كل قلب من قلوبكم يعيش بعيد عن الاخر ولكل منكم زكره فى قلبه اهذا الحب الحزين واعلمو ايضا ان الزكرى هو ما يبقى للانسان لان الانسان عباره عن زكـــــــرى

الأربعاء، 8 يوليو، 2009



النهارده ياجماعه هحكى قصة بدايتى مع الغربه اولها كان موت واوسطها كان اسر وحرمان واخرها مش عارف هيوصلنى لفين



المهم هنبدا الحكايه


انا كنت انسان عادى كنت عايش حياتى فى مصر مدرسه وفسح وبنات ماكنتش حاسس بنفسى زى اى شاب طبعا فى مرحلة المراهقه جه الوقت الى حسيت فيه بوالدى شقى كتير وتعب كتير علشانى انا واخواتى حاولت اعمل حاجه اساعده برغم انا كبير اخواتى والدى ماقصرش معايه فى اى حاجه بالعكس كان دايما عايزنى ابقى احسن منه وانا فى الابتدائى قدملى علشان ادخل مدرسه حربيه بس ماقبلتش كان لازم وسطه جامده علشان يقبلونى طبعا ماقبلتش ولما كبرت قدملى تانى فى معهد امناء الشرطه وطلعونى ولاد الايه فى الكشف الطبى قالولى ودنك صغيره يعنى ايه ودنى صغيره مش فاهم مش بسمع يعنى طبعا علشان يصفو ويقبلو الوسايط المهم علشان مش تزهقو من الرغى بتاعى خلينا نكمل


اتعقدت من التقديم فى الشرطه الشرطه وزهقت من حياتى قررت اسافر وابنى مستقبلى بس عايز اقولكو حاجه هدف غربتى كان سبب واحد كنت عايز اشيل حمل والدى واستر اخواتى البنات هما اتنين تؤام بس مدوخنا حاولت ابحث عن السفر طبعا ماكنش فى غير الطريقه غير الشرعيه الهرب الى اوربا كان الطريق مقفول برده وناس بتغرق كتير حاولت اصرف نظر عنه مش خايف لا بس كان برده مش معايه 3000 يورو حق الرحله جه ميعاد ادخل الجيش طبعا روحت وقدمت ورقى وكان نفسى اخد تاجيل او مادخلش برده علشان اكمل مشوارى مع والدى واحاول اساعده وابنى مستقبلى انا واخواتى بس حظى كان سئى جدا دفعتى دخلت والتاجيل بتاعى وقف على يوم واحد اول الدفعه كان يومى7\4 ده يوم غريب فى حياتى مواقف كتير حصلت فيهخلاص كان باقى على الميعاد ده 10 أيام فى الوقت ده ظهرت تانى فرصة سفروقالو هنركب المركب ونسافر روحت وركبنا وكانت رحلة موووووووووووووووووت

كان يوم28\3\2005

يوم الهروب شوفت عذاب ماشوفتوش فى حايتى اول يوم عدى سهل تانى يوم لقيت دماغى مش فيا مش حاسس بنفسى لو وقفت بقع جالى دوار البحر كانو يجبولنا اكل ماكنش ليا نفس اكل اى حاجهبعد كدا جعت اوى اكلت فات 3 ايام على الحال ده وكنا عدينا جزيرة كريت ودى حدود اليونان وقالو هندخل البلد الليله لكن حصلت ظروف والشرطه كانت بتلف كتير فى البحر ماردوش يدخلونا
جات الكارسه الى ماكنوش عاملين حسابها الميه والاكل وكل حاجه خلصت ركنا جنب جزيره جبل ونزل عدد كبير يدور على اكل كنا بنموت من الجوع فى الوقت ده كان فات 7 ايام وفى اليوم التانى البحر هاج والمركب بقت تموج بطريقه فظيعه لدرجة الميه كانت بتطلع عليها فوق اه نسيت اقولك دى مش مركب ده كان زورق بتاع صيد سمك مش بقولكو رحلة موت المهم فضل الحال على كدا لمدة يوم بليله
واخيرا البحر هدى مره واحده خالص بقى حصيره زى الباحرين مابيقولو جالهم اشاره ان المقابل مستنى على الشط واخيرا اتحركت المركب ووصلنا للمقابل خلاص اول ماشوفنا النور بتاع اتينا كلنا ردت فينا الروح مابقناش حاسين بالجوع بعد ماكنت بدعى اروح لاهلى تانى بخير بقيت ادعى ربنا الى وقف جنبنا ووصلنا على خير اول مانزلنت من المركب مابقتش عارف امشى دماغى كانت بتلف بطريقه فظيعه والحمد لله وصلت بالسلامه انما والى معايه 100 شخص كانت بردو ظروفهم صعبه زى حلاتى بالظبط فى اخر القصه

فى يوم غريب فى كل ده وانا بعز اليوم ده اوى اوى يوم

(( 7\4))

اليوم ده

اولا عيد ميلادى

ثانيا كان اليوم الى المفروض استلم فيه مخلة الجيش

ثالثا يوم دخولى اليونان

ومن هنا بدات رحلة اســـــ الغربه ــــــير


شوفتو بقى انها رحلة موت ولا لا شوفت الموت بعينى

والسلام عليكم ورحمة الله وبركاته

الأحد، 10 مايو، 2009

اسئله فى الحب











النهارده بقى ياجماعه جايبلكو شوية اسئله فى الحب وياريت الى عنده اجابه لاى سؤال يرد عليه والى عنده سؤال جديد برده يحطه






- ما هو تعريف الحب ؟
- هل تؤمن بالحب ؟
- هل تؤمن بالحب من أول نظرة؟
- هل يختلف معنى الحب عبر العصور؟
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
- أيهما أنجح ,الزواج عن طريق الأهل أو عن معرفة سابقة؟
- هل ممكن ان تحب أكثر من مرة؟
-هل يمكن أن يكره الأنسان الشخص بعد أن أحبه؟
- هل للمادة دور رئيسي في استمرار الحب؟
- نجاح الحب مستحيل أم ممكن , و كم نسبة نجاحه؟
- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
- أيمكن للحب ان يغير مجرى حياتك؟
- البعد أيخفف المشاعر أم يلهب الأشواق؟
- هل يتغير الحب بعد الزواج؟
- بوجود الحب أيشترط وجود السعادة؟
- هل الغيرة ضرورية في الحب و ما دورها ؟ سلبي أم ايجابي؟
- أيهما أخلص الشب أم البنت؟
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )

الجمعة، 8 مايو، 2009

الله عليك ياعم جاهين



بنات: قبة سيدنا الولى دول نوروها
محلا البيارق والناس بيزوروها
قبة سيدنا الولى فى الجو عاليه
محلا البيارق لما دوروها
بائع: حمص حمص
تل ما ينقص
ع النار يرقص
يرقص يرقص.
ويقول:
اللى شاف حمص ولا كلش
حب واتلوع ولا طالش

فتاة: يسترك هات حبة بقرش
الجميع: ها ها ها ها ها ها ها !
بائع: فريرة للعيل .. يابو العيال ميل .. خد لك سبع فرارير
آخر: زمارة شخليلة .. عصفورة يا حليلة .. طراطير ياواد طراطير
الجميع: طراطير طراطير طراطير
شحاذ: يا مسلمين يا مؤمنين لله
ده كل مين يفعل جميل يلقاه
شحاذ:بركة ولى له فى الشفاعه جاه
لله .. لله .. لله ..
المعلن: الليلة الليلة السيرك تعالوا دى فرجة تساوى جنيه قولوا هيه
بمناسبة هذا المولد يوجد برنامج سواريه قولوا هيه
فى السيرك شجيع يهجم ع السبع ويركب دغرى عليه قولوا هيه
وبنات قمرات زى الشربات حلوين مش عارف ليه قولوا هيه
الجميع: الله حى .. الله حى

المنشد: شفت ف منام صاحب المقام ده أبهه
الجميع: الله حى
المنشد: ويمامه حايمه عليه تسبح ربها
الجميع: الله حى
المنشد: ميلت فوق يده وجيت أحبها
الجميع: الله حى
المنشد: صحونى م النوم خدت بعضى وتنى جى
الجميع: الله حى .. الله حى ..
لاعب البخت: فتح عينك .. تاكل ملبن
فينك فينك .. تاكل ملبن
أوع لجيبك .. لا العيب عيبك
قرب جرب .. تاكل ملبن
نشن .. وسطن إيدك
وسطن .. إضرب ..
البندقية: طاخ ......
اللاعب: يحميك يابنى تبقى غالبنى
قرب خد لك حتة ملبن
نداءات: طعميه . أراجوز . عجميه باللوز

الجميع: ى الليلة الكبيرة يا عمى والعالم كتيره
ماليين الشوادر يابا م الريف والبنادر
دول فلاحين .. ودول صعايده
دول م الكنال .. ودول رشايده
دى الليلة الكبيرة يا عمى والعالم كتيره
عجوز: إسعى .. إسعى .. إسعى .. إسعى
مصوراتى: خدلك صورة سته ف تسعه
العجوز: إسعى .. إسعى .. إسعى .. إسعى
قهوجى: ياسى عجوره .. النار خسعه
فلاح: ناس من بلدنا هناك أهم
روح يابراهيم انده لهم
.. "يتعانقون"
سلامات سلامات سلامات
سلامات ع البلديات
فلاح: دى الحضرة والذكر انجلى
يالله بنا نذكر ياوله
المدرب: أنا شجيع السيما
أبو شنب بريمه
أول ما أقول "عالى هب"
واصرخ لى صرخة
السبع يتكهرب
ويبقى فرخة
حالا بالا سأصارع
أسد إنما إيه .. متوحش
وح اخلى وجهه شوارع
تسقيفه ياناس مايصحش
أهه جاه .. أهه جه
تسقيفه بأه
تسقيفه امال
تشجيعه امال
بائع: السمك مقلى
كل وبرق لى
صنف زى الفل
بائع:استخار واختار
فشة أو ممبار
يالله سمى وكل

نساء: يام المطاهر
رشى الملح سبع مرات
فى مقامه الطاهر
خشى وقيدى سبع شمعات

أطفال: ياعريس ياصغير
علقة تفوت ولا حد يموت
لابس ومغير
وح تشرب مرقة كتكوت
المعلم: بالذمة ده سابع عيل
مزفوف من وقت قليل

القهوجى: مولد شيللاه يامعلم
عقبال أولادك
المعلم: كلم..
نداءات: واحد مضبوط
واتنين مصرى

القهوجى: ع النار حاضر جاى لك دغرى
مسا التماسى مسا التماسى
ياورد قاعد على الكراسى
نداءات: هات شاى يا دقدق
القهوجى: عينى وراسى
"يدخل الريس حنتيرة مغنى القهوة الصعيدى"

الجميع: سمعنا ياريس حنتيرة
للصبح معاك السهيرة سمعنا … سمعنا

المغنى: يا غزال ياغزال
ده العشق حلال
دوبتنى .. دوب
خلتنى خيال
يا شفتك فص فراولة
وأنا لا قوة ولا حوله
شقلبتلى عقلى علاولة
ياغزال .. ياغزال
يا رب ياعالم بالحال
تهدى حبيبى ويصبح عال
وأغنى وأرقع بالموال
وأقول يا غزال
المعلم: وقف ياريس حنتيرة
فيه ناس هنا قاعدة كتيره
ولاحد قال هات تعميره
ولا واحد شاى
اللى ح يطلب راح يقعد
واللى ما يطلبشى يبعد
زبون: ياللا بنا نخرج يا مسعد
شارع الترماى

الآخر: أوعد يا رب أوعد
آدى كمان قهوة
الأول: ياللا بنا يامسعد
ندخل على سهوه

الغازية: طار فى الهوا شاشى
وانت ماتدراشى
طرفه شاورلى عليك
حكم الهوا ماشى
هوا العصارى ياواد
على سطح دارى .. ياواد
خدنى ورمانى عليك
ولا أنت دارى
آهين يا نارى .. آهين
منك يا جارى .. آهين
خدنى ورمانى عليك
هوا العصارى
صاحب القهوة: اللى ح يطلب راح يقعد
واللى ما يطلبشى يبعد
الزبون: ياللا بنا نخرج يامسعد
شارع الترماى
"لعبة زق الطارة"
صاحب اللعبة: ورينا القوه .. يابنى انت وهو
مين عنده مروه .. وعامللى فتوه
يقدر بقداره على زق الطاره
ويفرقع بمبه ؟
شاب: وسع .. وسع .. وسع .. وسع ..
أنا ازق الطاره واضرب ميت بمبه
دنا الاسطى عماره من درب شكمبه
صيتى من القلعة لسويقة اللالا
أنا واخد السمعه
الجميع: طب يالله تعالى
الشاب: لا ياعم سعيده .. دى البدله جديده
الجميع: هاها هأ سعيده .. يابو بدله جديده
سيده: ياولاد الحلال
بنت تايهه طول كده
رجلها الشمال
فيها خلخال زى ده
رجل: زحمه ياولداه
كام عيل تاه
بائع: فريره للعيل
الجميع: دى الليلة الكبيرة ياعمى والعالم كتيره
ماليين الشوادر يابا م الريف والبنادر








صلاح جاهين

الخميس، 7 مايو، 2009

عيد ميلاد ست الحبايب

عيدك يأمى اجمل اعيادى لولاكى يامى ماكان ميلادى



فز شعري يوم أوصـــف غلاهاهي في القـــــلب وعروق دميهي حضنـــــي اللي حضني ودفاهاوهي الكلام إلي تلعــثم بفــميودائما تهل بعطاها وإذا تعبت تقول روحها لي سميروحي تفدييييـــــــــك بأحلى جزهاأناديها وأقولها يا أحلى أسم يميكلها حنـــان وطيبه يا ناس مين يعد جزاهاوإذا تضايقت أقولها يا أحن قلب يميوأقولها وأعطيها هم فوق همٍ وهميأردد وأقول يا ناس مين يعد جزاهاأفديك بروحي بس ما توصل لروحك جزاهاوأصلي وأسلم على سيدنا طه


فكر معانا


الموضوع بيتكلم عن أنك ممكن يكون فية سؤال بنسئلة فى اوقات لكن لو فكرنا فية نلاقى انة مالوووش معنى اصلا

او انة مالوش اجابة و لو جاوبنا علية هنلاقى ان الاجابة بايخة جداااااااااا

او افعال غريبة بنعملها تلقائيا لكن بردو ملهاش معنى


1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟

2-ليه لما بتكون بطارية الريموت شبه فاضية ، بنضغط على الزراير جامد ؟

3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟

4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟

5-ليه لما نكون جوه المنزل والسماء بتمطر بنسأل هو الجو بيمطر بره ؟

6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

7-ليه الخدمة بتكون سريعة لما المطعم يكون مزدحم أكتر من لما يكون نص نص ؟

8-ليه لما الواحد بيركن السيارة فى موقف فاضى اللى جاى وراك بيركن جنبك ؟

9-ليه دايما لما حد بيجري يلحق الأتوبيس تلاقيه مبتسم أو بيضحك ؟

10-ليه بنفتكر إن لما ندوس على زرار الأسانسير كتير هاييجى بسرعة ؟

11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟

12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟

14-ليه لما بنتصل بالتليفون دايما النمر الغلط مابتكونش مشغولة ؟

15-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟

16-وبمناسبة التليفون ليه لما واحد يعطيك رقم تليفونه بيقوله بسرعة ؟

17-ليه لما بنصحى من النوم دايما بنحس إن كمية النوم ناقصها عشر دقايق ؟

بس كدة خلصوا يا رب يكون الموضوع عجبكم

الأربعاء، 6 مايو، 2009

قـــــــ العاشق ـــــــــلب


اهلا بكم فى مدونة اسير الغربه الى تحت الانشاء هخ هخ هخ هخ هخ هخ

video