الأربعاء، 12 أغسطس 2009

معنى الغربه






أجد نفسى احتاج للتوقف أحياناأفكر فى معنى الغربة الحقيقة

أفكر فيما هو المقصود من الوطن

وما هى الغربه


هل هي غربة الآهل ؟هل هي غربة الديار والارض ؟


هل هي غربة النفس ؟


بنعيش خارج بلدنا فنتكلم عن الغربةهل هي العيش بعيد عن بلدك ؟

عندما تعيش خارج بلدك تعلم انك لست في بلدك وانك لست من اصحابها فتشعر بالغربة!

حقا هذه هي الغربه

عندما تعيش خارج بلدك قد يتعامل معك رغم غربتك بكل احترام وتسامح وانسانية!
عندما تكون في بلدك يتعامل معك دوما رغم وطنيتك بكل اذلال ومهانة ولا انسانية!

والله العظيم بيحصل كتير اوى

عندما تعيش في الخارج تفتقد من تحبهم وتشتاق اليهم وتتنمى ان تعود لتراهم !

عندما تعود الى بلدك تكره نفسك وتكره كل من حولك وتتمنى الخروج من بلدك ووطنك النهارده قبل بكره !

عندما تعيش خارج بلدك قد تجد احيانا كثيرة الامن والطمأنينة!

عندما تصل الى مطار بلدك تشعر فورا بالقلق والانقباض وعدم الامان ....ماحدش يسالنى ليه!


لانى مش عارف او عارف بس مش لازم اتكلم


عندما تعيش في خارجها قد تجد التقدير والحياة الكريمة!


عندما تعيش داخل بلدك تجد دوما التعب والمشقة و اهدار الكرامة في كل مكان تذهب اليه!


انا مابقتش قادر خلاص ولا على الغربه ولا على انى ارجع وسط اهلى واخواتى




اعمل ايه حد يقولى


ـــ ـــ ــــ ـــ ــــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ ـــ
\ كلامى ده مافيش حد هيحس بيه الا واحد متغرب مثلى سايب بلده \
ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ ــ






هناك 14 تعليقًا:

reem يقول...

اسير الغربه عزيزي
اكيد تساؤلك في مكانه وكلنا بنحس فيه حتى لو مش متغربين
ااقلك حاجه الشعور بحاله من التوهان وعدم استقرار في المشاعر سببها اننا بندور عالامان ومش بنلاقيه تعرف الامان مش بالمكان بس بالناس الي بتكون عايش وسطهم وشاعر بالامان ساعتها الغربه رح تتلاشى
وزي ما بتقول باول مدونتك
اصعب شعور بالغربه هو لما تكون عايش وسط ناسك وببلدك وحاسس بالغربه ؟
الشيءالوحيد الي بيهون الوضع ان دي حاله عامه بيحس فيها وبيعشها كل الناس في كل الدول ليه مش عارفه ؟
افتقاد الاحساس بالامان والشعور بالغربه ؟
ربنا يهون كل شيء علينا
ويريح بالك
دمت بحب

اســ الغربه ـــير يقول...

شكرا اخت ريم عندك حق لازم ندور على الامان ونلقيه

Pink Dreams يقول...

بص يا اسير مهما كان الواحد مش هيستريح غير فى بلده وزى ما بيقولا البلد دى احسن من غيرها

كفايه انك لو تعبت (بعد الشر طبعا) هتلاقى ميه واحد يقفوا جنبك ويساعدوك فى بلدك وهتبقى وسط اهلك وناسك

لكن تفتكر بره بلدك والناس اللى متعرفهاش هناك مين هيقف جنبك

مع العلم انك مهما كونت صداقات هناك مش هيبقوا زى الاهل بردو

بس بردو دا ميمنعش ان فى كلام كتير من اللى انت قلته فى البوست صح جدا

ومع ذلك هتفضل البلد اللى اتولدت فيها احسن بلد فى الدنيا على الرغم من مساوئها

تحياتى لك

قالي الوداع قلت اشطه يقول...

اسير انا حاسة بيك جدااا بس الغربة بالنسبالي هي بلدي يمكن علشان مولدة في بلد تانية وكبرت فيها وطول عمري فيهاومنزلتش مصر الا 3 مرات وكانت اكبر مده شهرين ونص او تلاته بالكتير ولما نزلت على مصر علشان الكلية كانت المعاناه والله يااسير هو اسبوع بالظبط كنت بتصل بماما واعيط علشان مش قادرة استحمل ومكنش حد حاسس بيا ومفكرني بدلع ويقولولي هنا اهلك وبلدك هناك الغربة بس لحد دلوقتي انا مقتنعه ان مصر هي الغربة بس فعلا محدش هيحس بيك الا المغترب زيك اه حبيت انوه بره بيعاملونا على اساس ان احنا وافدين وفي مصر برده بيعاملونا على اننا ابناء الوافدين من الخارج يعني كده ولا كده وافدين حتى في بلدنا والسؤال اللي بضايق منه انتي ايه اللي رجعك مدخلتيش كليه هناك ليه احلى حاجة بحبها في البلد اللي انا فيها محدش بيدخل في اللي ملهوش فيه اسفة اني طولت عليك تقبل مروري

سندريلا يقول...

السلام عليكم/ اكيد حالتك صعبه لبعدك عن اهلك وكمان لما تحس انك مش عملت حاجه وكمان الشعور انك فبلدك مش متقدر وممكن تتقدر مش فبلدك دى اكبر حاجه تدايقوالاصعب لما تكون فبلدك وحاسس بالغربه دى تموت بجد بس باذن الله ربنا يعدلها معاك ومع كل الشباب داخل وخارج البلاد

تحياتى لك/ سنندريلا

سمسم يقول...

السلام عليكم
كل سنة وانت طيب
اكيد صعب الواحد يكون بعيد عن الناس
الي بيحبهم ويحبوه
بس صعب يكون وسطم وجوه بلدو
وحاسس كمان بالغربة
المشكلة في بلدنا وفالناس الي جواها
لما كل واحد يعيش علشان نفسو وبس
حيحس الكل بالغربة
بس تعمل ايه؟ والله ما اعرف
تحياتي

اســ الغربه ـــير يقول...

الدنيا دى وحشه اوى ياجماعه

مسلمة وافتخر يقول...

عندك حق فعلا الغربة دي احساس صعب اوي ميحلوش غير انك تخلي قلبك وطنك .. هوا ده الحل .. انا ليا وطنين لامي وبابا والاتنين بموت فيهم والاتنين بيوحشوني جدا الاتنين فيهم اهلي واصحابي وناس كتير بحبهم الاتنين حاسة ان انا منهم وعشان انا كنت مقسومة بينهم خليتني وطني مكان مابروح بخدني معايا وبعاملني كويس اوي ده انا حتي بوكلني ايس كريم كتير جدا(اصل اللي يجبلي ايس كريم احبه اوي )بس بجد فكر ف كلامي

ديالا يقول...

اسير الغربه

استهدي بس بالله كده

خليك مع ربنا واشكيله وفضفضله صدقني هيريح قلبك وهيطمنك

وبعدين المشسكله مش في الغربه بره وطنك المشكله فعلاانك تكون حاسس بالغربه من نفسك

دور علي اي حاجه جميله واتمسك بيها ومتسمحش للكابه تسيطر عليك تاني

عاشقة الأحزان يقول...

اخويا مشمش

مش تزعل خالص

ربنا معاك

وبجد انا حاسه بيك قوووووووووووى

مابالك بق انت غريب عن اهلك وناسك فى غربه بعيده قووى
امال بقا لو انت موجود فى وسطهم وفى نفس البلد وحاسس بالغربه نفسها يبقا تقول ايه

احمد ربنا وان شاء الله هتبقا عال يا حبيبى

ربنا يبارك فيك ويسعدك يارب

مودتى

أم مالك يقول...

بجد انا قلت لنفسى الواد حمادة كان اخر مرة كاتب انه مخنوق
لما ادخل اشوفه عامل ايه واطمن عليه
لقيت البوست ده
واللى واضح منه ان حالة الضيق مستمرة
طبعا شعور المغتربين بيكون دايما متقلب
والظرف هى اللى بتحكم الاوضاع
انا عاوزاك ياحمادة تقرب من ربنا
بالمحافظة على الصلوات
بالدعاء الدائم
ان تحاول يكون لك صديق بس يكون مخلص
وتحاول تفضفض معاه
وفى الاخر مهما طالت الغربة لابد لها
ان تنتهى
وتعود لاهلك وبلدك وشعورك ناحيتهم
ده من الحالة اللى انت فيها
ربنا يطمنى عليك

محامي متدرب يقول...

مرحبا اسير الغربة
بداية انا سعيد جداً بمرورك بمدونتي وهذا يشرفني كثيراً , واعتذر عن هذا الانقطاع وعدم نشر التعليقات لظروف خاصة ,, فاتمنى ان تتقبل اعتذاري

ثانياً يسعدني ان تتواصل معي على مدونتي التي اقوم بتحديثها دائماً وهي
www.hazemgaza.blogspot.com
وهذا شرف لي ::
وباذن الله نكون من الأصدقاء
تحيتي لك

Mr.Hazem يقول...

مرحبا استاذي العزيز اسير الغربة

ويشرفني ان نبقى اصدقاء , وات تنير حروفك المميزة مدونتي المتواضعه
فانا صاحب مدونة محامي متدرب , ولكن هذه المدونة مدونة حازم هي ما اقوم بتحديثها بشكل دائم

قمت بوضع مدونتك ضمن قائمة الاصدقاء , بعد اذنك :)
فاتمنى ان نكون كذلك
وانتظر تشريفك لمدونتي
مع ودي

riham attya يقول...

كل حرف قلته بيوجع

على الرغم انى عمرى ماسفرت ولكنى حسيت كلامك والله
واللى مش قادرة افهمة انى فى بلد متقدمة وبنت ناس كده تلاقى ان اهل البلد ليهم الاولوية فى كل شىء
إلا ان مصر ليها نظرية تانية خالص ألا وهى ان الضيف اهم لانه هو اللى بيدخل فلوس للبد
لكن اهل البلد ولاد تييييييييييييييت

ملهمش لزمة
يضربوا بالتيييت ويتهانوا مش مهم

والله انا مش عارفة اقولك ايه
ادعيلك ترجع بلدك اللى بتتهان فيها انت وغيرك
ولا اقولك خليك زى ما انت بعيد عن اهلك مش عارفة بجد

لكن انا هقولك حاجة احسن من كده
ربنا يعينك على اللى انت فيه
ويختارلك الاحسن فى حياتك