الجمعة، 11 سبتمبر، 2009

أزمة شغل



أزمة شغل


الحياه من غير شغل وكفاح ماتبقاش حياه


لما كنت شغال وربنا كرمنى كان فى ايام الواحد بيكسل ومش بروح الشغل


كان فى ايام اجازات واعياد للبلد كنا مش بنشتغل كنت بستريح فى الايام دى شويه


يعنى كنت اسهر باليل واصحى من النوم براحتى

فى يوم من الايام بنشتغل فى امان الله لقينا الشرطه جايه علينا بتقولنا وقفو الشغل


بنسال ليه قالو الاضيه بتاعة الشغل ده وقفت واحد من الجران قدم شكوه ان احنا بنشتغل قبل معاد الشغل ونخلص بعد الميعاد


بقالى اسبوع قاعد من الشغل اول مره احس ان الحياه مالهاش قيمه من غير شغل


ممكن علشان انا اخدت على التعب والشقى ولا انا الى فقرى مش بحب الراحه


بس حاسس انى زهقان ومدايق الى زينا مش اخدو على الراحه


والله انا اتهيالى لو حد قالى تعالى اشتغل ببلاش هروح علشان افك عن نفسى

بجد بجد القاعده وحشه جدا

هناك 18 تعليقًا:

عاشقه الرومانسيه يقول...

انا اجازه 3 اسابيع علشان الجبس اللى فى ايدى
وهو هيتفك بكره ان شاء الله
وقرفانه انى راجعه الشغل بعد بكره
انا بقى اللى اخدت على الراحه
ههههههههههههههه

عاشقه الرومانسيه يقول...

ياحلاوه ياولااااااد

ده انا اول تعليق
هييييييييه
هييييييييه
كفايا بقى علشان انا خلااااااااااص هاموت من الجوع
اروح احضر الفطار بقى
سلام

عاشقة الأحزان يقول...

السلام عليكم

مشمش الجميل
وحشتنى ياقمر نزل امته البوست ده ومش شفته

عاااااااااااااااااااا
المهم انا جيت وسع منك له

عاااااااااااااااااااا

عاشقة الأحزان يقول...

تعرف بجد انا كنت زمان قاعده بالبيت وكنت مخنوقه قووى

لما كرهت الحياة

وبعدين فضلت ادور على شغل لحد ما ربنا كرمنى ولقيت شغل وكنت متحمسه قوووى

وبعدين حسيت بملل رهيب وكرهت الشغل وحبيبت قاعدة البيت قووى وبصراحه بروح بالعافيه وربنا
لكن هناك فرق انت غيرى انت متغرب عشان تشتغل وتكافح عشان وراك مسؤاليه كبيرة لكن انا بنت مصيرى هقعد بالبيت بعد كده يعنى مش فارقه معايا وربنا
ربنا يكرمك يابيبى وان شاء الله هتلاقى احسن شغل ربنا يعوض عليك خير
انت طيب قووى وتستاهل كل الخير يا اخويا وربنا

بدعليك والله من كل قلبى تلاقى الخير قدامك ويحميك يارب ويطمنا عليك ويرزقك بحق حبيبك المصطفى علية الصلاة والسلام

ربنا يوفقك

تحياتى

ايناس

Pink Dreams يقول...

اكيد طبعا عشان انت متعود على الشغل فحاسس بملل وزهق انك متعودتش على الراحه

يا رب ترجع للشغل بسرعه والحكايه دى تتحل

تحياتى

حنين القلب يقول...

انا بقالى تلات شهور اجازة وعادى يعنى وممكن اخد اجازة علطول
ههههههههههههههههههههه
يا سيدى ربنا يكرمك ويوفقك يا رب

ولو على الشغل تعالى اشتغل مكانى بس احنا بنقبض بالقرش مش باليورو
هههههههههههههههههههههه

اصبر باذن الله الفرج قريب

الا قولى انت عند عاشقه الرومانسيه قولت مش جاى اللقاء وعندى انا قولت جاى اللقاء باذ الله
اعتبر ده انفصام فى الشخصيه ؟؟؟
ربنا يكرمك ويتم شفاك على خير
هههههههههههههههههه
وش بيطلع لسانه وبيغيظك

ماما يقول...

ربنا معاك
الشغل للرجاله...دا طبع فى دمكم
وربنا يديلك الصحه
بس مفروض ماتزهقش وانت فى رمضان
يمكن دى نعمه من ربنا عليك فى هذا الوقت
ماتضيعش هذا الكنز الثمين...املاه بعبادة الرحمن
والتهجد بالليل
وليلة القدر على الابواب..وماحدش عارف هى فين فى العشر الاواخر
وادعى لاجميع الاخوه بظهر الغيب
رمضان كريم

شمس النهار يقول...

اولا:كل سنه وانت طيب
ثانيا: شكرا علي الزياره نورتني
ثالثا:المدونه هنا لطيفه جدا

رابعا انا مش بحب الغربه


ربنا يقصر عليك غربتك وتحقق كل احلامك
ان شاء الله

Mr.Hazem يقول...

ههههههههههه
اذا على شغلانه وحده كده عم تحكوا شو احكي انا :$:$
بشتغل ب 3 مؤسسات
وغير هيك محامي :$
الله يكون بعون الجميع

يعطيك العافية يا مدير
وان شاءا لله بترجع للاهل سالم وبخير يااااارب

طوبة ذهب وطوبة فضة يقول...

m3lesh hya el donya 7alha kda msh momkn tfdal 3la 7al yom feh shoghl wyom mafesh yom feh flos wyom mfesh yom feh sa7a wyom mfesh elmohm ank taol fkol 7al mn albk al7amdollah wkhsosan flshada 3shan lma ygy el yosr rbna yft7ha 3lek mn was3 wykrmk wy3wadk ya rab b7aa el ayam el karema ely a7na feha rbna yft7ha 3lek wykrmk mn was3 akhy el karem wy3wadk kher ya rab

mimi يقول...

أنا ميمي

حد بينادي عليا؟؟؟؟

ريمان يقول...

حياه من غير شغل ماتبقاش حياه

فشكووول يقول...

السلام عليكم حماده
تحياتى وكل عام وانت بخير

طبعا يا حماده ... الشغل هو الانسان .. من غير شغل ماذا يفعل الانسان
وقعاد الانسان وخصوصا الراجل فى البيت مقرف ومتعب

اعانك الله ورزقك بالعمل والصحه

mimi يقول...

لو أنت في أجازة ... اتفسح وشوف مناظر جديدة ... أقرا كتب .. اعمل حاجة مش بتعملها وقت الشغل ..

وادعي ربنا يفك كربك لو أنت متضايق جدااااااا

ربنا معاك
تحياتي كل سنة وانت طيب

شمس النهار يقول...

انا جيت اقول لك

كل سنه وانت طيب
والسنه الجايه ان شاء الله تكون بخير وصحه وسعاده

ومحقق كل احلامك ان شاء الله

ساره يقول...

الله يرزقك بشغل قريب
انا تقريبا لي سنتين ما اخذت اجازه محترمه ... اطول اجازه اخذتها كانت لمده خمسه ايام .. والحين قاعده اعد الثوانى عشان اجازتي قبل عيد الاضحى

يمكن انت حاسس بالزهق والملل عشان انت عندك هدف ... تغربت عشان تشتغل وتستكثر على نفسك الراحه ؟؟!!

ان شاء الله ازمه وحتعدي
وترجع تشتغل من جديد

كل سنه وانت طيب يا حماده

أم مالك يقول...

ازيك ياحمادة ليك وحشة كبيرة ياابنى
انا جاية اعيد عليك واقولك
عيد مبارك عليك
وكل سنة وانت طيب
والسنة الجاية فى وسط اهلك باذن الله
تحياتى

دموع القمر يقول...

الناس الوحشة اللى مبتسألش

شكلك كدا مش عايز تيجى علشان الشاى

اوعى تكون انبوبه خولصت زيينا

بس علفكرة الكعك علينا هههه

كل سنة وانت طيب

اكيد الشغل دا حاجة جميلة والواحد من غيره بيحس بملل فظييع